台灣當地好多店舖或小檔攤不時出現靚女店員，而且仲要係靚到啪啪聲嗰種，美貌不亞於一級女明星添！好似呢次介紹嘅索女品杉（又名小品）就係其中一個例子。小品樣貌標致可人，身材更加索到暈，早前更被邀請上電視節目做嘉賓，隨即令佢人氣急升，亦引起萬千網民注意。
小品本身係大學生，現修讀演藝課程，同時亦係兼職模特兒，曾做過車模及Show Girl等工作，喺夜晚就會去到師大夜市一間理髮店門口附近擺檔賣耳環。據了解，自從成為網絡紅人之後，唔少宅男為一睹索女風采，不惜山長水遠去到夜市，部分人為咗結識小品更甘願大灑金錢。老實講，小品確實甚有明星相，甚至可以話比一啲女明星更索，加上台灣觀眾向來接受能力較高，相信佢絕對有機會成為明日之星。
網址http://www.wretch.cc/album/Joyuexann
撰文：娟娟