依家嘅資訊科技有幾發達？只要你當街當巷做出騎呢動作，假若你唔怕，咁就無問題，因為擔保你即晚已經喺網上成為明星，好快就會有人識得你。亦因為呢個原因，唔少喺夜場工作嘅小姐都話受到好大困擾。
刮王同一位做咗十年嘅小姐傾開，佢話以前最多都係有客人玩偷拍，或者係影小姐嘅走光照嚟珍藏，但依家成個生態都唔同，好多客人都會將影低嘅相，發上去facebook或者將短片放上去成人短片網。呢位小姐話佢個人唔鍾意，而亦有好多姊妹因為瞞住屋企人出嚟做，最後被人喺網上發現做小姐呢行，當然就會引嚟不少麻煩。
所以依家佢哋出嚟行騷嘅時候，都會作出呼籲，就係希望啲客可以盡量幫忙，唔好將小姐嘅相片同短片上載，但大家要聽清楚，係呼籲盡量幫忙，如果個客人係有良心嘅，咁最多都係影咗拎返屋企珍藏，但如果佢係一心整蠱你嘅，係要將相片放上網，咁你都實在冇佢符，但係小姐話自從作出呼籲之後，好多客人都體諒佢哋，無將相片放上網。
撰文：刮王