唔少玩家都希望發掘新夜遊「性」地，體驗當地不一樣嘅疏乎滋味。不過有時去其他「性」地探險，如果冇熟悉當地情況嘅「色」途老馬帶隊，好難知道門路。有見及此，美國芝加哥就有班鬼祟的士專為玩家帶路，到紅燈區或一啲冇乜人知嘅獵艷好去處，就唔怕好似盲頭烏蠅咁周圍搵啦！
呢啲鬼祟的士從表面上嚟睇，同一般的士差唔多，但係喺車頭貼有一個紅色嘅「J」字，玩家見到呢個冧巴，就可以伸手截車，然後讓司機帶玩家展開獵艷之旅。如果玩家唔想喺街上呆等嘅話，當地部分酒店亦可以代為安排，咁就可以輕輕鬆鬆去搵女曳曳。不過玩家係自由行，冇人可以代為安排嘅話，亦可以透過佢哋嘅專屬網站預約服務。
只要留低聯絡電話，隔一陣就有人打電話畀玩家，同佢約定地點同時間後，到時就有的士司機到場，認真方便！據提供呢啲服務嘅的士司機指，佢哋之所以提供有關嘅服務，皆因眼見唔少玩家為尋找洩慾「性」地而絞盡腦汁，亦有部分玩家鍾意捐窿捐罅四圍玩，而佢哋又鍾意搵的士司機帶路，心念一動下就同班手足商議，推出有關嘅服務。
提供呢啲服務嘅司機，對當地嘅夜遊服務瞭如指掌，譬如邊度紅燈區最多靚女、邊間夜總會有折扣、邊間酒吧嘅陪酒女郎最索，而部分人更知道一啲鮮為人知嘅夜遊地方同玩法，故此可以帶玩家去尋幽探秘一番。另一方面，每位提供呢項服務嘅的士司機，都要先參加為期兩日嘅訓練，等佢哋知道一啲帶玩家去獵艷嘅技巧，例如當玩家上車前，先要問清楚佢想去邊度玩、玩乜嘢、對囡囡有乜嘢要求。
另外，最重要就係先問對方有幾多錢預算，先至好帶對方去獵艷尋歡，到時不但可以節省搵女時間，亦可以針對性地幫玩家獵艷。每位提供呢啲服務嘅的士司機，都裝有流動資訊器材，方便的士司機將最新夜遊資料上載，不但可以提供最新、最齊全嘅資訊，更可以得知最新嘅夜遊優惠情報。
曾經試過搵呢啲司機帶路嘅玩家Albert表示，當日佢突然覺得身痕，但係又對當地嘅夜遊地方唔係咁熟悉，於是透過電話進行預約，司機唔使十分鐘就嚟到。上到車，司機就問佢想玩乜，然後就同司機講，想試吓當地嘅企街囡囡，跟住司機就帶佢去咗幾個紅燈區兜圈兼揀女。
Albert笑道：「喺周圍兜咗一陣，我就同司機講，話睇中咗某個地方嘅囡囡。當去到目的地後，我就同囡囡問價，對方表示二十分鐘收兩百蚊美金。之前曾聽朋友講，企街囡囡收費一般都係呢個價錢。諗住應承佢嘅時候，司機突然離開車廂，走去同囡囡講咗幾句，然後司機就走埋嚟同我講，話只要一百蚊美金就得，原來透過佢哋帶路，價錢可以平啲，真係令我喜出望外。」呢種服務最低收費為每十五分鐘二十美金，折合約為一百六十港元，唔知大家會唔會考慮搵佢哋幫手呢？
撰文：阿豪