西洋波經：Felicity Jade自命公主冇人吼

衰在口臭

問心嗰句，邊個女人唔想有人好似公主咁看待自己吖？之不過好醜命生成，與其幻想等人錫，不如實際啲仲好，美國脫星Felicity Jade由於自細就嬌生慣養，要任何嘢都唾手可得，搞到目中無人，鍾意我行我素，結果喺成年後不理家人反對，當上裸體模特兒，喺名字前加上Prinzzess，佢話係公主意思，及後經常喺各大鹹書出現。阿妹更自己爆料，推出寫真集後就會加入四仔界，一嘗脫星滋味！本來入行當脫星與人無尤，但Felicity Jade衰口臭玩自爆之餘，仲大踩現今四仔界不知所謂，脫星質素及形象太低，男優更不堪入目，因而要入行打救咁話！

影迷火起

言論一出即時辣興整個四仔界，各大小脫星群起圍插，數臭阿妹扮貴族，若然真係咁巴閉就毋須剝衫上床拍戲。而Felicity Jade就反駁話：「我叫『公主』，即使拍嘅都係高級四仔，畀有品味嘅觀眾睇，四仔情節只會由男女好好服侍我，絕不會學時下脫星被男優當洩慾工具玩弄，此外，性虐及雜交場面充斥，實在太低俗！」Felicity Jade把口唔收，話脫星低俗更暗踩影迷冇品味，激到影迷火都嚟，於網上筆伐聲討，有網民更話要惡搞Felicity Jade，將佢嘅大頭相移花接木，總之有咁醜得咁醜，更用阿妹個名開玩笑，但凡令人厭惡嘅言論都加插句「公主話」，幽佢一默。但當事人就鬼咁豁達，佢話：「都幾得意吖，多啲人幫我宣傳，對我加入四仔界有幫助！」阿妹面皮咁厚，食呢行飯真係啱晒你囉！

Felicity Jade

出生日期：1988年6月2日

三圍：34C、24、35

身高：5呎5吋

撰文：祖