西洋波經:Jodie Starr風流波士

歐美脫星主要靠經理人接Job至有工開,因此半紅不黑嘅脫星收入非常唔穩定,而脫星Jodie Starr晨早已睇穿呢種無助,入行初時就自組公司,唔使靠人之餘仲唔使益人,收入全數落袋,依家隨時退休歎世界都冇有怕!

頻頻受騙

脫星表面風光,你以為佢上床晒波呻吟就袋袋平安,其實有近四成收入畀咗中間人,七除八扣落袋的確唔多o架!而脫星Jodie Starr就深明遊戲規則,因此當年加入四仔界時就決定唔簽任何經理人公司,單靠自己四出推銷,阿妹自言入行初時非常辛酸:「記得三年前仲係o靚妹仔一名,對四仔界一無所知,但我堅持唔用經理人傾合約,所以每一樣細節都靠自己,結果頭半年都畀四仔片商呃,例如講到片酬後,對方竟然等發行後至埋單,足足等咗一年至收到錢,又試過傾好四仔劇情後,要拍七組同男優對戰,到現場完全兩回事,竟然係一幕以一敵七戲份,令我難以接受,事後我有考慮過放棄!」雖然不斷被騙,但阿妹堅信有條件上位,決定幾辛苦都要捱落去!

退居幕後

經過多次撞板,Jodie Starr比以前醒目好多,每次簽約拍片時都要清楚全部內容,由男優對手、化妝Set頭甚至發行日期都要一清二楚。Jodie Starr話:「我咁做無非想保障自己,須知道四仔公司都有黑暗一面,假如冇人幫手,隨時會畀人呃,不過依家冇人再敢呃我,除咗我坐穩一線外,亦因為我開設咗四仔公司,請人幫我傾生意!」原來家陣阿妹係脫星之外又係經理人,大班手下幫佢睇合同。Jodie Starr仲話遲吓會退居幕後,用自己嘅聲譽招攬有潛質囡囡當脫星:「與其益人哋,不如益自己,我仲希望有朝一日可以做四仔公司老闆!」

Jodie Starr Profile:

出生日期:1988年5月13日

三圍:34C、24、33

身高:5呎8吋

撰文:祖