過江女神：搜索敏感帶 慾火升得快
有人話女人身上有好多敏感地區，曳曳嗰陣，只要輕輕接觸即可帶嚟無窮性趣。其實除咗女性之外，男性身體都一樣，可以喺性愛過程入面獲得理想效果。至於點先可以喺各個部位中，搵出呢啲敏感帶嘅位置，就等索女珍妮話畀大家知啦！
留意反應
現於澳門×河夜總會工作嘅珍妮表示，早已聽聞男人身體上有敏感帶嘅說法：「其實男人同女人咪又係人，點會話女人有敏感帶而男人冇先得架！不過，每個人嘅體質有別，所以身體上嘅敏感帶會分布喺唔同地方，就以女性為例，我就唔信個個女人都同我一樣有相同嘅敏感帶喇！」
至於點樣搵出男人身上嘅敏感帶，珍妮認為需要對手幫助先得。「舉個例，試過有一次同男友做，隻手唔覺意掃到佢背脊，佢就即刻打個冷震，然後問我做乜，我當時都唔知自己做過乜，梗係唔識答佢啦！直到事後，我再用手指同小嘴去刺激佢，終於知道原來佢背脊中間位置有一個特別敏感嘅地方。經過呢次之後我就學精，每次做愛都會好留意男友嘅反應，務求搵出佢身上所有敏感位置。」
激發潛能
另一方面，珍妮又認為當遇上年紀比較大嘅對手時，要搵出呢啲敏感帶就更加重要。佢話：「性器官敏感度會隨着年齡而慢慢減退，呢個問題係無可避免嘅，但係敏感帶嘅感覺就會依然不變，所以我覺得必須將位置搵晒出嚟，一來男人受到刺激，有助激發內在潛能，二來又可以提升做愛嘅興奮感，狀態好啲，到入正題嗰陣，表現都好啲啦！所以，我絕對唔介意花更多時間喺前奏部分，耐心咁去慢慢搜尋。」無可否認，搵出敏感帶之後，男人自然能夠玩得更加興奮，表現更好，得益者又豈只男人，女人咪一樣受惠啫！
珍妮小檔案
年齡：21歲
三圍：33、23、34
興趣：玩啤牌
撰文：娟娟
攝影：阿章