唔怕生壞命，最怕改壞名，風水命理有時真係唔到你唔信，現實生活中又有一個好例子，佢係脫星Carman Kees，阿妹原籍捷克，漂洋過海到美國當脫星三年多都係寂寂無聞，最後改名換姓，竟然嘭一聲起朵，唔係個名幫佢係乜？
所謂入鄉隨俗，雖然身為捷克寶貝，但阿妹去美國搵食，當然要改個英文藝名啦。入行初阿妹叫Monika A諗住易記兼夠響就冇衰，點知撈極唔掂，結果一年後改名Carman Gemin再嚟過，今次外界算係有啲反應，就算噏唔出個名，都總算記得阿妹副偈喎！可惜，對於老遠過江搵食嘅當事人又點會滿足呢！阿妹決定再次改名為Selelan Lipps。嘩！阿妹你改就容易，但一眾影迷就畀你搞到頭都大埋呀！
時光飛逝，話咁快三年過去，阿妹雖然Keep住有工開，但眼見後起之秀不斷冒起，而自己載浮載沉，內心肯定酸溜溜而無心工作，阿妹索性停工三個月，重組自己去留問題。「當時我好迷惘，繼續做又睇唔到前景，返鄉下又唔甘心，處於進退兩難局面，最後我決定畀多次機會自己，若然改多次名都彈唔起嘅話，我就從此喺四仔界消失！」好在天有眼，阿妹喺年初改名叫Carman Kees，終於叫做有啲回報，四仔迷不但記得佢個樣，連佢個大名都清楚叫得出，咁即係有運行啦！
自此，Carman Kees平步青雲，各大片商爭住搵佢開戲，成人網站又搶住幫佢拍寫真。Carman Kees事後表示：「其實我天生就係做脫星材料，一副標致嘅容貌，一對純天然嘅DD Cup豪乳，唯一就係藝名出事，至於我點解最後都係用Carman作藝名，無非係因為夠親切，今次叫Carman Kees，簡單易讀，觀眾唔記得我至奇啦！」阿妹你紅咗就講乜都啱o架啦！計我話身材好不如運氣好，改個靚名真係有運行架！
出生日期：1986年6月3日
三圍：34DD、26、36
身高：5呎9吋
撰文：祖