問：有個囡囡同我識咗三個幾月，每次北上都會搵佢，最近佢突然叫我出嚟飲嘢，我仲以為乜嘢事？原來佢屋企出咗事，要趕住返去，佢話怕我搵佢唔到而擔心，於是特別通知我，期間仲為屋企嘅事喊晒口，我於是畀咗三千蚊佢，我咁做啱唔啱呢？
答：內地出嚟做小姐嘅囡囡，周不時都會話屋企出問題，而一有問題，佢就會第一時間叫晒啲恩客出嚟哭訴，如果博到同情，每人唔好多吖，畀一千幾百出嚟，有得幾十個，佢都屈到成幾萬蚊，絕對可以衣錦榮歸，喺屋企人面前風風光光。
所以遇上呢啲情況，信佢半成就好，如果囡囡嘅故事真係吸引，加上演技精湛嘅話，我都唔反對大家慷慨解囊，但一定要量力而為。有老友借貴利嚟幫人，又何苦呢？此外，仲要按自己能力再減一半，例如你可以畀兩千蚊佢，你最好畀一千就好，唔好畀足！因為喺佢哋心目中，對每個客人都有個定價，有時你畀得太少，佢哋會嫌少，到時你再扮晒嘢，答應幫佢籌多少少，咁樣大家鬥做戲，你好我好，話唔定仲可以增進友誼，同你玩埋友誼波。但真係要量力而為，同做愛一樣，千祈唔好勉強呀！
撰文：小德