冇男女調情、冇性愛場面，仲係咪四仔電影呢？暫時無人知，但美國就好Buy，近年潮流興起四仔打女，衫照剝、戲照做，劇情一樣咁香艷！有人更認為將成四仔主流，究竟佢哋搞乜傢伙呢？
咪睇呢班打妹惡形惡相以為佢哋拍緊大電影，查實通通係熟口熟面脫星，之不過為滿足不同市場，脫星們變身打女，同男優較量變隻揪！點解美國會出現呢類四仔打女，有指係脫星一直被視為男人玩物，四仔發展受到局限，於是有片商及導演為求打破外界觀感，開拍一部四仔打鬥片，結果一炮走紅，漸漸成為當時得令嘅四仔系列，稱為「Action Girls」！
唔好以為四仔打女行行企企露點收工，喺戲內，脫星要上天下海瞓身演出，基本上同拍戰爭電影無分別，甚至有人認為可參選奧斯卡金像獎添！咁講又誇咗啲，因為暫時每套電影都只得一位人氣脫星擔正，故事一開始就講述脫星文武雙全，收到上司柯打後就會出動，深入敵陣，最後制服敵人，所用嘅武器真係猛到你唔信，輕則手刀機槍，重則坦克都會使用，高潮位更有連環爆破場面，認真得嚟不失幽默，難怪咁受歡迎！
美國有網友表示，當年Cult片《索女喪屍機關槍》，或多或少都係抄襲「Action Girls」系列，又唔出奇喎！留意戲內嘅脫星，件件都身材火辣，好似最為人熟悉嘅脫星Heather Rae，經已係第三次拍攝「Action Girls」電影，亦係由該系列走紅，阿妹話：「雖然美國人接受脫星，但唔會當四仔演員係真正演員，而Action Girls系列正好畀脫星擺脫純粹賣弄色情嘅形象，戲內冇性交場面，但有真正打鬥戲，男女演員都傾力演出，好多時會受傷，不過一切都值得！」
撰文：祖