有啲囡囡平時睇落十分堅強，為人聰明醒目，做事又有衝勁，但每當佢哋投入一段戀情之後，就會有一百八十度嘅轉變，好似完全冇心機工作、心裏面只得男朋友……原來喺十二星座當中，天秤座囡囡就係最明顯有呢種毛病嘅人。
當天秤座囡囡冇嘢可以依靠嗰時，就會被迫「食自己」，付出嘅努力比其他人多好多，所以就會畀人一種工作勤快嘅正面印象。本來勤力係好，但最衰係當佢哋一搵到依靠之後就會放軟手腳，工作甩甩漏漏不特止，仲成日遲到早退添！做老闆請着呢啲員工就真係喊得一句句咯！
好似日本AV人氣女優小沢愛麗斯，佢生於10月20日，正正就係天秤座囡囡，當佢冇人吼時，工作就會特別認真，公司開乜嘢戲佢都接，但當佢搵到男朋友嗰陣，態度就會一百八十度轉變，佢話自己都知自己衰，但當一有男人喺身邊嗰陣，就好自然會乜都唔想做，問你服未？
性愛運程：運程反覆，少啲同愛侶見面，自然一見到就激情滿瀉啦！
挑情攻略：不宜自己做主動，但如果愛侶有要求嗰陣咪積極啲囉！
必殺體位：最好背向對手，免得面阻阻，唔見樣反而會有意外驚喜。
撰文：小德