小師妹：我最近識咗個男朋友，佢靚仔又有錢，經常買包包畀我，但佢有一樣唔好，就係唔洗腳就捐上床做愛，我要忍受陣陣臭氣，咁嘅臭男人，仲要唔要佢好呢？
白頭賓：梗係唔好要啦！連對臭腳都唔洗，可想而知身體上嘅其他地方都一樣冇洗，你唔會吻佢對腳，但會吻佢其他地方，咁咪一樣咁唔衞生，真係諗起都想嘔呀！
咩咩劉：咁嘅臭男人，真係幾難頂，但鬼叫佢有錢又靚仔咩，忍一下啦，如果真係太臭，建議喺間房裏面放滿香薰，再唔係噴多啲香水，等啲香氣掩蓋一下啲臭味。
鑽窿強：我就話即刻飛咗佢就算，事關啲有錢仔，零舍多變態嘢玩，今日玩得臭腳，聽日就可能用隻臭腳嚟搞你，到時後悔都太遲，快啲飛咗佢，換過一個仲好啦！