問：小弟過年期間，會有幾日假期，打算同班朋友返去深圳玩幾日，由於我哋冇去過乜嘢桑拿場玩過，所以諗住試吓，所以想問過年期間夜場會有啲乜嘢規矩要留意，同埋好想問吓，深圳嘅桑拿場，喺過年期間會唔會有啲乜嘢額外收費嘅呢？
答：過年期間，最緊要就係以和為貴，就算誤入黑店都咪嘈嘈閉，否則一定畀人同你「開年」，另外由於過年過節，好多囡囡都返晒鄉下，唔少場都休息，所以有開嘅夜場，啲囡囡都可能係拉雜成軍嘅「雜牌軍」，未必跟足公司規矩，服務馬虎，而且可能要等好長時間至有囡囡，更可能冇囡囡畀你揀，就算揀啱心水嘅技師，由於係「雜牌軍」，所以服務冇一定標準，服務不周經常會發生。呢個時間上去玩，贈你一字記之曰「忍」，至於額外收費，間間場唔同，有啲就會加價但不再收雜費，另一種就不加價，但就可以放寬員工問客人攞小費，阿豬阿狗都攞住本小費簿走嚟叫你簽，有時煩都煩死，所以情願幫襯加價但免小費嘅場，夠乾手淨腳吖嘛。
撰文：小德