由於今次亞運於廣州舉行，吸引不少珠三角投注者，所以投注額比以往高，尤其中國、日本、南韓及香港嘅場次最吸飛。
香港喺三場分組賽都贏盤，首戰對阿聯酋受讓球半、次仗對烏茲別克受讓一球、球半，經過兩場優秀表現，外圍莊家明顯調高香港評級，最後一場分組賽對孟加拉要讓球半、兩球，結果贏四比一，一樣贏盤。
至於阿曼三場分組賽只有首戰對馬爾代夫贏盤，其餘兩仗對泰國及巴基斯坦都要輸盤。不過，由於世界排名比香港高四十多位，雖然香港表現不俗，初盤阿曼仍然要讓香港一球，但已經比過往球半，或者球半、兩球為少。