日本AV界確實愈來愈多帶着藝能人資歷嘅女仔入行，雖然佢哋都曾於幕前演出過，部分更甚有名氣，之不過唔代表佢哋嚟到AV界都可以撈得起，好似彩音麻衣就係一個好例子。呢位索女今年二十四歲，童星出身，又曾為台灣老牌歌手歐陽菲菲伴舞，於藝能界算有一定知名度。2007年加入AV女優行列，憑着一對37吋H級巨乳迷倒萬千宅男，當大家都以為索女喺業界有一番作為時，點知遇着合約上問題，搞到首套作品《藝能人 彩音麻衣 AV Debut》遲遲未能推出市場，事隔多時，其所屬片商SOD終於喺十月中宣布恢復發售，唔少影迷都非常高興，但據講原來彩音麻衣早已被公司解約，並離開業界。