撰文：娟娟

出位事迹

於英國西北部赤郡出生嘅Sophie Reade，十八歲時曾經替某本知名成人雜誌拍攝半裸寫真，憑着一對超級巨乳而打響名堂。之後索女走咗去參加過英國電視遊戲節目《Big Brother》並順利勝出，不但引起外界注意，更令佢成為英國電視圈嘅紅人。最近，Sophie Reade又再出擊，為倫敦牛津街一間內衣連鎖店主持開幕禮，雖然當日寒風徹骨，室外氣溫只有十度左右，在場嘅人都冷得「騰騰震」，之不過索女一於好少理，並即場剝光衫褲，只得胸圍底褲，展示自己嘅魔鬼身材，更風情萬種咁讓大家任影唔嬲。

Sophie Reade嘅出位事迹，點只咁少？索女早前先將G奶再度升級，增大到H-cup，認真誇張，事後接受雜誌訪問時，索女更輕托雙胸自豪咁話：「每次低頭睇見呢對巨乳嗰陣，我都會感到非常自豪，我希望繼續為佢哋升Cup，並且成為全世界胸部最大嘅女人！」