門面吸引

唔少朋友都鍾意北上吃喝玩樂，品嘗完美酒佳餚，有人會順道去桑拿揼骨開心吓，好似老友肥仔賢咁，每個星期都會北上一、兩次，四圍去發掘新鮮刺激嘅玩意。最近佢同朋友到過杭州一趟，食完晚飯之後，佢哋一行三人求其搵咗一間桑拿落腳。肥仔賢話：「呢間桑拿門面裝修豪華，心諗裏面啲囡囡嘅質素應該唔會差得去邊，喺休息室等咗一陣，就見到經理走埋嚟，問我哋有冇相熟小姐，仲話可以介紹一啲高質素嘅女仔畀我哋。據該名經理所講，呢度嘅技師分為A、B牌、模特兒、星級同公主，收費由五百至九百蚊，視乎囡囡質素而定，兩個朋友選擇B牌，而我就揀咗模特兒，諗住畀多少少食好嘢。」肥仔賢又話，上到房之後，佢滿懷希望咁等候，過咗幾分鐘，終於見到索女真身。

擺明搵笨

「第一眼見到囡囡時，發現佢雙腿非常修長，而且蛇腰纖幼，相當吸引，再瞄上去，一雙大包實在有呼之欲出嘅感覺，點知望見個樣，當堂乜嘢胃口都冇晒，唔係話囡囡唔夠靚，而係可能佢呢排太熱氣，搞到滿面暗瘡，仲有啲火山爆發嘅迹象，於是拿拿臨叫經理換女，點知佢帶入嚟嗰個技師仲驚嚇，直頭好似西瓜刨咁款，最慘就係平平無奇，睇見咁嘅環境，梗係向經理詐型啦！點知對方竟然惡人先告狀，又話呢班確實係模特兒級數，真係畀佢吹脹。」為免惹上麻煩，肥仔賢惟有頂硬上，草草了事就埋單走人。

事後，肥仔賢發現兩位朋友嘅情況都差不多，更畀佢見到部分囡囡將身上嘅A牌拆下，然後換上公主牌，好明顯呢間場有蠱惑。佢仲奉勸大家，日後揼骨最好去一啲可以喺花街揀女嘅骨場，睇啱就直接拉個囡囡上房，咁就避免出現貨不對辦嘅情況喇！

撰文：娟娟