農曆年初二旺角出現嚴重暴亂事件，暴徒除咗掟磚縱火，又向跌倒警員施襲，搞到泛民主派政黨紛紛發聲明譴責暴力行為，連激進泛民之一嘅社民連梁國雄（長毛）都似乎唔幫班暴徒。作為示威常客嘅長毛話，佢咁多年都從來無採取過暴力行動，因為明白暴力無法宣揚主張，又唔可以吸納更多市民參與，強調勇武抗爭不可取代群眾運動。相比起今次班暴徒，長毛慣常都只係抬棺材同掟道具，難怪佢咁出力譴責暴力喇！
