經驗豐富

據了解，Jessica Alba於12歲入行，最初只係客串電視小角色，直到進軍大銀幕，喺處女作《Camp Nowhere》中有出色嘅演出，初露鋒芒，之後更憑演出兩個大型電視廣告而開始受大眾注意，終於能夠喺多部電視劇，包括《Flipper》、《末世黑天使》等擔正演出。而佢更憑《末世黑天使》贏取咗People's Awards中最受歡迎電視明星獎。此外，Jessica Alba仲參演過多部大家都熟悉嘅電影，好似《Sin City》（罪惡城）、《Fantastic Four》（神奇四俠）等，論演出經驗，絕對有番咁上下。

慘被鞭打

最近，喺網上睇見電影《The Killer Inside Me》嘅預告片，當中有一段Jessica Alba畀人剝褲，兼且用皮帶打屁股嘅激烈場面，SM味道甚濃，戲內更有唔少性愛鏡頭，引起唔少網友注意。據了解，呢套電影嘅導演不嬲都認真過人，所有細節都絕對唔會馬虎，多年前佢曾執導一套電影，當中有一幕性愛場面，為增強效果，佢竟要求男女主角假戲真做，可以話要求極高。

雖然Jessica Alba於新戲中擔正做女主角，但唔代表可以獲得優待，相反，佢呢次喺新戲中飾演一位愛玩SM嘅妓女，飽受男友「摧殘」，一幕皮帶打屁股場面，更震撼整個業界。或者大家認為只係借位拍攝，但以導演嘅性格，睇怕索女都唔會太過好受。打屁股令呢位索女再度人氣急升，仲要受到大眾高度讚賞，佢願意為藝術而犧牲，都算值得嘅。

Jessica Alba Profile

年齡：28歲

身高：170cm

三圍：34、25、34

撰文：娟娟