大股享夫福

其實好唔好生養，主要係睇婦女嘅盆骨生得大定細。如果生得闊大，生產就會比較容易，如果生得細小，生產時就會容易有危險，古時醫學唔發達，如果女性盆骨太狹窄，嬰孩無法由陰道生產，所以母子都會有危險，但家陣醫學進步，一有乜唔妥，就可以用剖腹生產，所以盆骨幾狹小都一樣生得。

而且據古相書表示，八月十五大嘅女性，會比較黐家，安心喺屋企做賢妻良母，但屁股比較尖細嘅，就喜歡出外闖，所以屋邨師奶通常屁股大，而中環白領嘅屁股就比較細小。而古時話女性唔使操勞就代表享福，財運、夫運、子女運都會特別好。但屁股細小嘅女士又唔使閉翳，由於你哋屬行動型嘅人，所以有嘢做，周圍頻撲，反而適合你，自己搵錢自己使，仲會有滿足感添！有啲囡囡走起路屁股擺吓擺吓，咁又代表乜呢？相書話呢種女性嘅性觀念特別開放，同男人發生關係，十分平常。

扭股易動情

如果加上眉眼距離開闊，而且眼睛水汪汪，就會對人疏於防範，只要甜言密語幾句，就會同男人發生關係，婚前上過床嘅男人會不計其數，如果天生哨牙或者笑時露牙肉嘅囡囡，就更加會有未婚生子做未婚媽媽嘅機會，認真要做足安全措施。

而造成屁股走動時擺動嘅原因，其實同陰戶嘅生理結構有關，大家不妨試吓，要行到擺吓擺吓，一定要翹高屁股將陰部移下，呢種女性天生陰部下移，所以性慾特別旺盛，很易畀人挑起慾火，縱情聲色犬馬，情況要結婚生產後，才會有所改善。

撰文：小德