你玩酒，酒玩你！早排同班內地老友去K場玩，恃住自己好酒量，就同佢哋劈白干（即係內地白酒）。起初都有啲擔心，因為聽人講話白干酒精濃度勁高，飲得幾杯就會上頭，點知飲咗幾杯，咦？冇嘢喎！只係個人有啲High High哋，白干都係碎料啫！繼續飲落去，成班人都有幾分酒意，就拉埋班囡囡玩剝衫枚，一片波濤「胸」湧，不知幾爽！玩得興起，老友又話要隊白干，隊咪隊！如是者，我哋六個男人飲咗三支白干，飲得過癮，加埋班囡囡身材又正，過癮！
玩到差唔多，就拉囡囡上房激戰，呢一刻至知白干厲害！喺電梯度仲冇乜問題，入到房個後個腦好似畀人扑咗幾下咁，然後對眼聚唔到焦，而最後嘅記憶就係衝咗入廁所派片，跟住就唔知發生乜事。
到咗第二朝起身，點幾？老友入嚟問我有冇事。原來尋晚我喺廁所劏到暈咗，要囡囡扶番我上床，然後佢就咁陪咗我成晚，天光就走去我老友間房攞錢走人。唉，成千銀就咁同個靚女平安無事過咗一晚，真係春宵一刻值千金！
撰文：大軍
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |