湯飯難消化

據中醫師透露，食物由牙齒咀嚼後，經食道入胃，然後消化，最快也要兩個小時後，才可以進行劇烈運動，如果要進行性行為亦都一樣，但萬一真係工作需要，飯後冇耐就要做愛，咁中醫師就建議千萬不要吃飯，因為飯菜嘅消化時間最慢。有朋友叻唔切，就話食一啲湯飯類嘅食品，咁就最容易消化，但原來唔係咁計，大家只係食得快咗，落到胃裏面消化嘅時間都係一樣，而且食湯飯你會冇咀嚼咁多，反而加重胃嘅負擔，所以如果真要趕住開工嘅囡囡，千祈咪食湯飯。

另外有人建議食疏菜同水果，咁就最容易消化，其實又係搞錯，當然水果疏菜一定比飯菜快消化，但佢哋都要一段時間才可以消化得到，而且全是植物性纖維，如果稍後要劇烈運動嘅話，好快就會肚空空，好難支持到晚上，嚴重嘅仲會冇氣冇力。

食高纖麥包

專家建議最好食三文治，麵包最好用高纖麥包，裏面可以適量配合肉食同埋疏菜，而且最關鍵就係進食時要慢慢咀嚼，一啲食慣大魚大肉嘅囡囡，如果齋食水果疏菜一定會支持唔住，但食一份三文治，勉強可以支持到晚餐，對工作一啲影響都冇。

但記住關鍵係要慢慢咀嚼，一來可以有飽肚嘅感覺，二來將食物徹底咬爛，可以減輕胃嘅負擔，加快消化，而且就算好快就要工作，都冇反胃嘅感覺，唔會做做吓嘔氣出嚟，雖然三文治唔錯，但中醫師都係建議飯後唔好咁快開工，身體健康要緊。

撰文：小德