一向被視為港男尋歡勝地嘅東莞，早輪進行嚴打工程，搞到好多場聞風喪膽，好多客人避之則吉，小姐們梗係無啖好食，自然要想想辦法，正所謂你有張良計我有過牆梯，先可以繼續馬照跑、舞照跳，就算係客人都要學定一招半式，萬一遇上掃黃，都要識得極速着衫、走佬走去邊，先可以全身而退。
據情報了解，有部分娛樂場所，為了在這段時間繼續營業，特別加裝了好多警報系統，一旦遇上掃黃行動，場內的警報便會第一時間響起，客人及小姐們需要在三十秒內，極速穿着整齊衣服，然後若無奇事離開房間，再從特別設立的安全通道離開。
曾經有港男在內地尋歡嘅時候，喺夜總會房間外被人用槍指頭，所以依家玩得好小心，不過要戒晒唔玩又唔得，惟有專揀有特別安全通道，及小姐經過特別訓練嘅場嚟玩。所謂特別訓練，並唔係講佢哋嘅床上功夫，而係講佢哋可唔可以喺三十秒之內穿着整齊，唔好以為好易呀，唔經過操練真係唔得o架！因為公安由門口衝入房間，大約需時一分鐘，所以小姐同客人只有半分鐘時間走佬，真係玩得好搏命！
部分有規模嘅娛樂場所，仲會特別設立安全通道，方便客人着好衫之後，由安全通道走出去另一個門口，避開所有掃黃公安。所以客人自己都要練習極速着衫，同埋一定要有心理準備，隨時玩玩吓要斷纜，就算係發射中都要停下來，除非你諗住洗定八月十五！
有好多港男就係頂唔順咁嘅環境，所以決定暫時戒玩，不過有好多敢死隊一於少理，一日無得玩都想死咁，就算再危險都要以身試法，就係因為有呢班客人，所以先有夜場肯投放資源，又裝閉路電視，又裝警報系統，仲要整安全通道，成本都幾貴。不過羊毛出在羊身上，呢啲成本自然會轉嫁喺客人身上。
當地部分娛樂場所是在金融風暴後才開設的，就是因為有工廠倒閉，他們才接手逆市發展，仲愈開愈多，已成為了東莞的特色產業。近日有場所已通過手機短訊賣廣告，特別聲明「有辦法應付掃黃颱風」，更聲稱寒冬已經結束，有大量新鮮貨式上場，更有新玩意保證客人滿意，當然更話可以玩得十分安全，毋須中途離場，如果有事發生，願意不收分文等等，總之就落足嘴頭，希望可以重拾客人嘅信心。佢哋一日信心未返嚟，當地娛樂業都要過寒冬，部分膽小嘅小姐，早已回鄉暫避風頭，有些小姐同埋媽咪就暫時休業，或是轉行做些散工幫補一下，總之唔會咁搏命，免得出咗事畀鄉下屋企人知道自己出嚟做仲麻煩。
撰文：荒木