北上按摩已經成為好多香港人嘅生活習慣之一，當然，北上揼邪骨亦成為好多男士嘅必然娛樂之一。然而，好多朋友都表示，唔知係自己運滯定係骨場作怪，每一次入房都會發覺技師一定唔會索得去邊，要彈兩三次先可以搵到心頭好。朋友小洋就表示，當中其實有內情。
小洋話：「朋友當中有一位係骨場嘅主任，我從佢口中得知好多有關骨場經營嘅實況。好多人去揼骨經常發覺第一次安排嘅技師唔夠索，甚至係豬扒，其實原因並唔係因為自己唔夠運，亦唔係骨場冇索女，而係因為技師同經理之間有利益輸送。」
原來好多質素低劣嘅技師為咗增加生意額，會私底下畀錢籠絡經理，等經理安排自己成為客人第一個見嘅技師。若然客人覺得唔妥當，要彈女，經理就會諗辦法勸服客人，例如用「依家太旺，冇咁多技師畀你揀」， 又或者「好多技師都放咗假」作為藉口，變相半強迫性讓客人接受呢位技師。
你可能認為呢種手法對其他技師唔公平，但係本身有質素嘅技師又唔係咁諗。因為質素高嘅技師大部分都有一定熟客，本身唔愁發唔到市。另外，技師太過豬扒，客人始終都接受唔到，一樣會彈鐘收場，機會又輪到質素高嘅技師喇！
賢