日本動漫界除咗鍾意將動漫角色立體化之外，亦鍾意為受歡迎嘅電玩推出副產品，好似將角色變成首辦模型就係其中一個例子。可以滿足模型迷嘅需要之餘，又可作為電玩遊戲嘅宣傳。今次介紹呢個衣着性感、身材玲瓏浮凸嘅孖辮妹Reco，就係人氣街機電玩《蟲姬2》中嘅女主角。
遊戲故事講述由Reco策騎嘅甲蟲獨角仙，為保護森林而努力，竭力消滅來自四方嘅敵人。如果閣下係街機迷嘅話，相信唔會對《蟲姬》電玩系列感到陌生。事關呢個平面射擊遊戲，以難度高而著稱。遊戲中整個畫面布滿大大小小嘅子彈，不但令人眼花繚亂，而且速度極快，挑戰玩家嘅操控力。
呢個模型嘅衣着相當貼身，完全展現出Reco嘅美好身材，而且飛釘情況非常嚴重，極之性感，令人血脈沸騰，而誇張嘅髮型令模型更為突出，但講到最吸引嘅，反而係細緻嘅服飾，例如一雙高跟鞋，如果要數缺點嘅話，則覺得像真度不足，跟原著女角有點出入。但總括來說，呢個作品仍然係上佳之作。唯一缺點就係模型表情跟原作有些少出入，以及價錢貴咗啲！
全高：240mm
售價：9,800日圓（約HK$800）
娟娟