一定要黑

呢個派對其實已經係第三年舉辦，而每次都會選擇最炎熱嘅日子，外間嘅氣溫起碼有成三十幾四十度嘅高溫！可能有人覺得，喺咁熱嘅日子中，點解唔留喺屋企涼吓冷氣、歎吓啤酒？既搞到成身汗，仲要同人逼，咁咪攞苦嚟辛？派對負責人彼德遜認為，佢哋嘅派對之所以如此受到玩家歡迎，係因為作為熱血嘅年輕人，一定唔會甘心留喺冷氣房，虛度悠長夏日。另一方面，佢哋嘅派對相當有噱頭，是以一直以嚟得到玩家支持。

彼德遜認為：「我哋嘅派對為年輕人而設，除咗請嚟著名DJ現場打碟外，主題更係相當吸引。事關我哋要求每個參加派對嘅玩家，女嘅要穿上性感嘅黑色胸圍，而男嘅則要着黑色底橫，不但讓佢哋玩得更有投入感，更能以性感嘅造型，讓派對現場氣溫急升！」

據彼德遜解釋，佢哋之所以諗出以黑色內衣作為主題，源於喺海灘一個發現。原來佢哋發現喺夏天嘅海灘，好少人會穿上吸熱嘅黑色泳衣。不過喺佢哋心目中，黑色衣着零舍性感，便引發出搞「黑Bra派對」嘅諗頭。

波濤胸湧

既然大會有咁嘅安排，玩家亦樂於配合。派對內嘅玩家無不穿上黑色胸圍及內褲到場。而為咗能夠讓現場氣氛更為高漲，大會請嚟一班性感火辣嘅超索靚女到場跳艷舞，而佢哋更脗合「黑Bra」嘅主題，除咗穿上性感嘅黑色胸圍外，更一啲都唔錫身，大玩拋胸演出，令到現場波濤「胸」湧一片！

不過講到最過癮嘅，就係佢哋豪放嘅表現。原來呢班索女，會表演辣舞、拉玩家大跳貼身舞等。除咗呢啲一般玩法外，佢哋仲會喺現場揀選心儀嘅男士，拉入會場後台嘅一個特設暗房中短聚，而房內嘅情況，更會透過現場嘅電視屏幕現場直播！大家唔好心邪，以為佢哋喺房內會做出出軌嘅行為，其實佢哋只係拉對方入內，親嘗佢哋調製嘅雞尾酒而已。

雖然呢種玩法娛樂居多，但由於索女們樣靚身材正，不少男士都希望能夠透過呢個機會，能夠一親佢哋嘅香澤。

心跳頭暈

雖然有索女主動埋身，而喺黑色胸圍嘅襯托下，現場更係波濤「胸」湧，但唔知呢個派對係咪真係咁好玩呢？曾經去過呢個派對嘅玩家阿倫就話：「老實講，起初聽到派對主題嘅時候，唔覺得有乜咁特別，不過有曾經去過呢個派對嘅老友極力推介，話派對內嘅靚女特別瘋狂，而且氣氛更係零舍高漲，故此便去睇吓。」

諗住開眼界嘅阿倫，去到後發覺老友果然冇介紹錯，靚女不但多不勝數外，而性感嘅黑色胸圍更係讓靚女們對車頭燈，有種呼之欲出嘅感覺。亞倫話：「不過最讓我興奮嘅，就係靚女們高漲嘅情緒，毫不介意我哋同佢跳貼身舞，咁可能係因為佢哋匿喺屋企涼冷氣太耐，見到咁興奮嘅場面外，亦因為表演嘅索女識得搞氣氛有關。」喺炎炎夏日有個咁正嘅派對，又真係幾過癮嘅！

撰文：阿豪