佐佐木周態度決定一切

冠忠南區復賽前經歷易帥、多位主力外援出走等種種不穩定因素，前路茫茫之際，一位「異鄉人」卻為球隊帶來一線曙光。復賽首戰面對富力R&F，在這場「地標戰」已交出1次助攻的阿Shu，完場前更獻出「處子入球」，憑藉一次罰球機會轟入，為南區逼和2比2，在新東家有個完美開局。

復賽前特訓練射罰球

南區復賽期間僅取3和3負，當中兩場和局都與佐佐木周有直接關係，他處理罰球及角球能力，尤其令人驚嘆不已，他謙稱罰球不是自己最擅長的招數，能夠派上用場，靠的就是孜孜不倦的「特訓」：「比賽前一個禮拜，我同川瀨浩太特別刻苦練習，最後努力得到回報，感覺非凡。」花盡心思鑽研一門技藝，或許就是所謂日本人的職人精神。

入球以外，阿Shu給人最深刻的印象，莫過於在場上不惜體力的奔跑。「技術唔係最重要，最重要係態度，同必勝嘅精神。」事實上，此前曾效力標準流浪及香港飛馬的他，早已靠穩定發揮，成為本地球壇炙手可熱的球星。前東家退出上季復賽，亦成為佐佐木周展開職業生涯新一頁的契機：「我係一位職業球員，我想比賽，所以當時我想搵一支即刻可以畀我落場嘅球隊，咁啱有冠忠南區嘅球員走嚟搵我，好多謝佢哋肯畀我機會。」

29歲是職業足球員的黃金年齡，這位日本前鋒坦言自己無論在體能或經驗上，都處於最佳狀態，並且絕不吝嗇向後輩分享他的經驗：「我唔係最大隻嘅球員，我有嘅係技術。譬如有啲本地球員，可能能力上冇外援咁強，但想贏波嘅態度決定一切。無論係飛馬或冠忠南區嘅年輕隊友，我都經常提佢哋要養成良好習慣。」

做隊長唔等如做英雄

佐佐木周充滿感染力的為人，亦令冠忠南區很快將隊長臂章，交到這位加盟不足半年的新兵手上，對於這份突如其來的責任，他選擇坦然面對：「咩事都可以發生，我隨時做好準備。雖然做咗隊長，但落到場，我無可能吓吓都做英雄，我需要隊友嘅幫助，我哋一齊合作一齊向前衝，呢個就係我嘅風格。」