教日裔小朋友踢波解鄉愁
和不少外援一樣，佐佐木周受疫情影響有家歸不得：「好掛住日本，將近1年冇返過去。希望今季完結後，日本可以再通關。依家數落，仲要捱多半年呢。」
與「相棒」川瀨同隊打拚
不少港超球員，在球場外都有教波，佐佐木周亦不例外，這份兼職亦成為他紓解鄉愁的良方：「香港呢度有好多日本同港日混血嘅小朋友，作為職業球員，我可以教佢哋踢波，何樂而不為？諗番細細個嗰陣，如果有職業球員走嚟教我踢波，我都會好興奮。平時教波同家長小朋友用日文交流，完咗會一起食飯，佢哋都畀番好多支持我。」
除了教波，相識多年的同鄉兼「相棒」川瀨浩太，亦是阿Shu一路上的最佳旅伴。過去兩人在澳洲、菲律賓等地效力，多數是以場上對手相見，如今首次與好友一齊效力同一支職業球隊，佐佐木周明言是一大樂事：「喺球場上，我哋對應該點樣踢波嘅諗法係一樣嘅，我哋兩個喺球場上會講日文，其他人唔會聽得明。」為冠忠南區上演的「地標戰」，正是佐佐木周開出角球，造就川瀨浩太頂入先開紀錄：「嗰下感覺真係無得頂！」