夏志明：對中日韓要爭氣
香港足球代表隊上仗在世界盃外圍賽以2比0擊敗柬埔寨，入球功臣之一夏志明昨日出席港隊操練時表示，期望與隊友上下一心於「東亞錦標賽」大踢爭氣波︰「今次希望喺一個大啲嘅國際舞台爭取較佳表現，正如教練所講，相比起中日韓，我哋被睇低一線，但我哋都團結一致，大家都願意付出多啲去令香港隊進步。」
談到自己剛在國際A級賽取得首個入球，「子彈」夏志明謙稱是隊友功勞，並不會因此自滿︰「對柬埔寨入嗰球，係隊友製造出嚟，由艾力士推上嚟畀羅拔圖第一時間出波，再加上對手犯錯，所以去到最後，都係講求球隊整體發揮，只要發揮得好，大家自然會從中得益，我都希望可以喺比賽吸收多啲經驗。」