椿原愛M女特質

充滿野性美

以前日本寫真界流行柔弱美感，大部分女優都係楚楚可憐咁款，身材則以纖巧同白滑為主。時移世易，近年雖然仲有多呢類女優，但以健美感作賣點嘅女優則愈來愈多，好似近期人氣高企嘅奈月紗奈、朝比奈祐未就係當中嘅好例子，當然亦唔少得椿原愛啦！

今年27歲嘅椿原愛有一張可愛精靈嘅娃娃臉，稚氣十足，惹人憐愛。但講到身材，愛妹就火辣度爆燈，身高5呎5吋，高得嚟前凸後趷，肉地又彈手結實，肌膚帶點古銅色，更添幾分野性美。不過，大家唔好見愛妹一身戰鬥格，就以為佢個性強悍霸道，原來佢係一名M女嚟o架！

喜歡被玩弄

2013年椿原愛喺美容學校畢業之後，並冇從事美容業，反而展開模特兒生涯，因為樣靚身材正加入寫真界搵食，發展得相當唔錯，其中一部寫真映像作品《せんせ。》，就曾經成為DMM寫真碟預購排行榜冠軍。雖然椿原愛嘅演出風格極具火辣同挑逗意味，最近更為雜誌拍攝一輯換上黑色皮革裝嘅激情寫真，不過佢坦言做唔到SM女王，因為佢屬於M女特質，鍾意被人玩弄。

至於點解會有呢種特質呢？事緣係有一次拍攝寫真時，愛妹被導演發怒呼喝，但係佢不單止冇喊，反而覺得好開心。仲有一次佢見到心儀男士同其他女仔約會，雖然感情受到傷害，但同時心情又覺得好興奮，甚至更加鍾意呢個男人！嘩！咁都覺得興奮？阿妹你係咪心理唔正常呀？

椿原愛 Profile

年齡：27歲

身高：5呎5吋

三圍：34D-24-35

社交網站

簡介：椿原愛對自己嘅身材充滿自信，所以成日都會將性感自拍照及拍攝寫真時嘅花絮上載到社交網同大家分享，一騷自己嘅火辣身段。

網址：https://twitter.com/t_aiai

撰文：賢