和富大埔標準流浪冤家聚頭
今午港超另一場賽事則是「冤家聚頭」，繼高級組銀牌後，和富大埔再次於主場迎戰標準流浪，當時大埔以5比1贏波，看似心理上佔優，但總監兼主教練馮凱文卻不以為然：「返到聯賽又唔同講法，加上對手上場未出齊人，有個別球員都唔在陣，今場波佢哋可以Full Team，相信唔容易應付，希望球員打醒十二分精神，臨場發揮得好啲！」
辛祖缺陣 馮凱文：比較頭痛
人腳方面，大埔三叉戟之一辛祖踢國際賽受傷，「馮Sir」透露辛祖最少休息兩周，今仗難望披甲，杜度亦養傷缺陣，人腳有點不足︰「我哋進攻體系未夠好，希望可以改善，同埋都要諗吓冇咗辛祖之後點樣配搭，呢樣都比較頭痛。」非但如此，後衞楊賜麟抱恙，今仗亦上陣成疑。
另邊廂，標準流浪已為「報仇」作好準備，教練團透露︰「防守要再加強，我哋今個禮拜做咗好多針對性部署，上場雖然輸畀大埔，但係我哋覺得係錯有錯着，起碼我哋摸熟到大埔嘅踢法，加上上場我哋係半力出擊，相反大埔就係夫添，令到我哋清楚佢哋嘅踢法。」傷停方面，謝偉俊刑滿復出，傷兵僅得杜馬思一人。