傑志求反彈強襲標準流浪
至於另一場港超，同樣於下午2時30分開波，戲碼為標準流浪主場對傑志。繼上輪聯賽不敵理文後，上周中標準流浪亦於「菁英盃」敗陣，遭香港飛馬反勝。不過，流浪教練團認為「菁英盃」的作用在於讓年輕球員有更多上陣機會，勝負並不是重點。同時，該仗隨着施薩領紅後，幾乎以「全華班」應戰仍未見嚴重走樣，證明他們具備立足港超的實力。
流浪兩大外援要停賽
今仗標準流浪兩位外援斯薩及巴辛要停賽，牌面上似乎比較輸蝕，惟教練團認為影響不大︰「始終對住傑志，球隊唔會靠個人能力，只要落到場跟到戰術去踢，就唔會有問題。」
「藍鳥」自季初擊敗愉園後，至今未嘗一勝，令重奪聯賽冠軍的路途更為崎嶇。然而，總教練施利斯高域希望今仗球隊能發揮應有水準，重上勝軌︰「有幾場波我哋係表現比較好嘅一隊，不過足球就係咁。我深信球員具備贏波嘅能力，但係佢哋必須要喺場上表現出嚟，證明自己踢得好過對手，值得攞走3分！」人腳方面，中堅艾里奧日前於「菁英盃」受傷，施帥承認會對球隊有影響，對於標準流浪的兩名外援球員需作壁上觀，施利斯高域則表示難料能否為傑志帶來優勢︰「最重要嘅係我哋要做好自己，出盡全力！」