古代先賢有云：「天將降大任於斯人也，必先苦其心志，勞其筋骨，餓其體膚。」人生要經歷一番磨練，實力才會「升呢」，所以無論你做邊一行都要有迎難而上的魄力，夠膽接受唔同挑戰，先有機會上位，正如日本寫真女郎亦係一樣，青春無敵嘅高梨瑞樹就係一個敢於挑戰又刻苦耐勞嘅好女仔！
牙齒除咗用嚟咀嚼食物，仲對我哋嘅外觀有莫大影響，就好似早前為大家介紹過嘅日本寫真界新貴西葉瑞希，佢就以哨牙為標記。無獨有偶，今日出場嘅美人兒高梨瑞樹，面相特徵亦與牙齒有關。今年21歲嘅瑞樹，青春逼人，比起好多同齡女仔，更多咗幾分艷麗女人味。另外，每當瑞樹露出一張笑臉時，其小虎牙更顯而易見，可愛度急升，令人印象深刻。至於瑞樹嘅身材亦相當有吸引力，上圍有一對夠斤両又夠堅挺白滑嘅E Cup天然美乳，擺起甫士時，甚為誘人。
日本寫真界一直求才若渴，高梨瑞樹呢位俏佳人當然深得歡心，發展速度可以話快過坐火箭。瑞樹喺上年讀大學，同年就喺東京街頭被藝能事務所人員發掘，簽約後嘅一個月，已被安排飛去峇里島拍攝首部寫真映像作品，仲要係7月拍完第一部，11月又拍第二部，對於毫無寫真拍攝經驗嘅瑞樹嚟講，要應付咁頻密嘅演出，確實有啲難度，所以喺拍攝第二部作品時病咗一場，辛苦拍攝之後，胃部亦出現問題。不過，瑞樹見到社交網嘅跟隨者爆升至過萬人，覺得再辛苦都值得繼續拍落去。自言係舞蹈白癡嘅瑞樹更決定接受挑戰，話第日拍寫真時要佢表演跳舞都冇有怕。
簡介：近期密密外出宣傳最新寫真映像作品《My Only Sunshine》，花絮會喺社交網發表，大家可以見到好多瑞樹嘅性感演出呢！
網址：https://twitter.com/tkns_mzk
年齡：21歲
身高：5呎4吋
三圍：34-24-34
撰文：賢