港超聯激戰打孖嚟

佳聯元朗和富大埔爭首勝

最近兩仗均遇上富力R&F的佳聯元朗，繼早前聯賽慘吞8蛋後，上周「菁英盃」則在領先情況下與富力R&F踢和2比2。儘管未能贏波，但「橙衫軍」主教練陳文俊認為足以令球員重拾信心，惟陣中目前仍有葉嘉宇及王睿受傷患困擾︰「雖然對手係有輪換，但面對同一支球隊嘅時候，我哋踢出嚟嘅效果唔再好似對上一次咁慘敗，我哋製造到一啲威脅，甚至入到波，亦有機會贏埋場波，不過最尾因為大意畀人哋追番。球員鬥心強番好多，搶波、對抗同把握都好咗。」

馮凱文：「地獄主場」唔講得笑

爭取衞冕的和富大埔出閘脫腳，今季各項賽事仍未「開齋」，總監兼主教練馮凱文預料今仗會是一場硬仗：「元朗嘅球迷好熱血，嗰個『地獄主場』嘅威力真係不得了！」「馮Sir」提到另一主教練郭嘉諾去季執教元朗，希望藉「嘉諾Sir」對該隊的了解，令部署上取得優勢。「綠戰士」自開季以來每場均有失球，「馮Sir」明言近日已加強防守訓練。

和富大埔後衞 楊賜麟	富力R&F中場 林志堅	理文中場 亞哥斯達

大埔自上月出戰「菁英盃」賽事後，已有逾一周缺乏比賽，「馮Sir」認為這段時間有助傷兵恢復之餘，亦可讓球員放鬆一下，迎接往後的比賽。

富力R&F理文開火搶分

富力R&F相隔兩周再次主場出擊恭迎理文，主教練楊正光明言：「理文係另一支爭標分子，經過舊年嘅磨合，今季再有幾位出色球員加盟，如李康廉、亞哥斯達等，表現十分平均。我相信佢哋都係進取嘅，所以部署上會有微調，今場我哋只得一個目標，就係攞3分升榜首！」球隊過去兩場「菁英盃」作大幅度輪換，「光Sir」透露是為了備戰今仗：「唔想球員太長時間冇比賽，上場『菁英盃』我哋都派咗幾位主力上陣，大部分球員狀態良好。」「光Sir」於賽前記者會尾段更笑言：「我乜都唔驚，最驚『陳Sir』（陳曉明）帶紅色衫嚟！」

楊正光最擔心「紅衫陳Sir」

理文主教練陳曉明透露：「我哋周二踢完『菁英盃』，早少少上嚟畀球員多啲時間恢復，目前球員精神狀態都唔錯。」面對富力R&F，「陳Sir」認為今仗戰果極重要：「今季富力嘅實力有增無減，我哋都有唔少進步，對聯賽有更高期望，如果今場贏到對球隊成績會係好關鍵嘅一場波。」談及「光Sir」的憂慮，「陳Sir」笑言：「全世界球員、教練都會有唔同習慣，但最重要都係球員表現，『光Sir』咁驚我件紅色衫嘅話，咁佢咪買另一件畀我着囉！又或者叫佢一齊着紅衫！」