自從日本進入令和時代，日本社會有好多改變，就連日本寫真界亦有好多新勢力湧現！當中仲包括「令和四大乳神」，佢哋全部都擁有39吋極品爆乳，吉田實紀呢位美人兒就係四大乳神之一喇！
好多人對體態有一個錯誤嘅觀念，認為肥就係醜，而瘦就係靚。事實上，瘦得骨瘦嶙峋，瘦到好似條藤咁，又靚得去邊？而體態帶點肉感亦可以相當吸引，就好似知名荷里活女星琦溫斯莉咁。喺日本寫真界亦有好多肉感十足嘅女優，佢哋一樣可以展現出驕人美態，以及將爆乳威力完全發揮，當中包括本人相當鍾意嘅紺野栞，以及今日同大家見面嘅寫真界新貴吉田實紀。
實紀今年26歲，喺現時女優普遍年齡偏低嘅寫真界當中算係高齡，不過實紀就有好多賣點可以令人忘記佢嘅年齡，第一就一定係佢嘅導彈級身材喇！
實紀身材肥肥哋，好在玉臀夠大夠翹又夠圓，而且心口仲有對39吋K Cup爆乳，令實紀就算條腰咁粗，睇起上嚟一樣有前凸後翹嘅曲線美。第二，實紀形象純潔且顧盼生姿，感覺亦甚吸引。
吉田實紀雖然近期至漸漸為人所熟悉，其實佢出道拍寫真就已經係兩年幾前嘅事，當時阿妹就參加咗一個叫做「Miss Action 2017」嘅選美比賽而投身寫真界。初初實紀憑住一副肉感十足嘅身材以及K Cup爆乳惹人注目，更加被人稱為泳裝破壞者！點解？因為實紀對K奶實在太有分量，所以換上泳衣嘅時候如果做再劇烈運動嘅話，好容易搞到泳衣嘅肩帶斷裂，睇嚟實紀呢對K奶唔單只對男人有極強嘅吸引力咁簡單。
提到實紀對爆乳，早前佢就同另外三位寫真界爆乳新貴山本悠、吉野千歲以及彼方美紅合作影咗輯寫真，齊齊大騷自己嘅驚人爆乳，故被稱為「令和四大乳神」！不過，唔知實紀對K奶可以保持得幾耐呢？近期實紀就話要按事務所社長嘅意思，進行減肥節食，希望實紀成功減肥，但係就瘦人唔好瘦波啦！
近期吉田實紀主要出席各種攝影會搵食，而影完嘅性感照好多都會上載到社交網同大家分享，Click上去睇睇保證大飽眼福。
網址：https://bit.ly/2WvSP5z
年齡：26歲
身高：5呎4吋
三圍：39-28-37
撰文：賢