梁興傑帶香港飛馬入8強

開賽11分鐘，愉園便找到第一個起腳機會，惟黎培基左路射遠柱出界。香港飛馬上半場未能製造太多具威脅的埋門，14分鐘有大衛拉菲爾接應右路角球頭槌攻門高出後，要待至40分鐘才有佐佐木周接應郭子堦短傳遠射僅告高出，雙方互無紀錄完上半場。

尾段接實加維蘭12碼

香港飛馬換邊後控制戰局，不過大衛拉菲爾與查理士攻門均無功而還。賽事轉捩點出現於66分鐘，愉園前鋒加維蘭於中路突破，殺入禁區施射惟未能射破梁興傑十指關，香港飛馬隨即反攻，由陳柏衡左路傳中，造就陳曉鋒門前射成1比0。愉園尾段有機會扳平，袁世傑86分鐘博得12碼，由加維蘭主射，惟梁興傑捉到路橫身將皮球接實，最終香港飛馬以1比0小勝進身8強，11月9日與富力R&F爭奪4強席位。

香港飛馬主教練文彼得表示，今仗為自己執教職業球隊首勝，可說意義重大，並指球員做到訓練時的演練，惟埋門把握力需再下苦功。贏波功臣「09」梁興傑稱，加維蘭主射12碼時動作較明顯射向自己的右邊，所以成功將皮球接實，對於球隊表現，「09」認為進攻方面需要再磨練。

圖/文：何彥霆