尼迪利起孖理文大勝過關
佳聯元朗與理文昨假將軍澳運動場出戰「高級組銀牌賽」尾場賽事，理文憑尼迪利梅開二度，加上亞哥斯達射入今季開齋波，以3比0贏波入8強。
上半場理文稍佔上風，16分鐘尼迪利接應鄭兆均妙傳抽射高出。元朗站穩陣腳後亦製造出不少具威脅的埋門，不過辛坦拿、鄭璟昊和米基爾攻門都未能將攻門轉化成入球。44分鐘，理文鄭兆均接應傳中跳頂亦告中楣彈出，雙方半場互交白卷。
陳Sir激讚余煒廉顏樂楓
換邊後，理文繼續搶攻，並在60分鐘得到回報，鄭兆均偷得皮球後傳中，尼迪利門前篤入，為球隊取得領先優勢。71分鐘，理文再下一城，鄭兆均直傳亞哥斯達，後者單刀射入。2分鐘後，尼迪利避過陳嘉豪後射入空門埋齋，助理文贏3比0躋身8強，將於11月10日對陣傑志。
理文主教練陳曉明大讚球員表現，又認為除鄭兆均外，還有兩名球員值得港隊關注：「我一路好睇好余煒廉，因為現代中堅除咗身形之外，都好講求速度，而『煒廉』係一個好快嘅中堅，佢嘅用波能力呢幾年提升咗好多。另外顏樂楓呢3場都踢得好好，希望香港隊可以留意吓佢！」
陳焌鏗報道