狂掃猛將針對補強 富力R&F班費5千萬爭霸

黃盛華表示：「除咗上季嘅主力班底外，我哋加入咗香港球壇後起之秀，亦有優質外援，目標好明確，自5月4號痛失聯賽錦標後，所有人都痛定思痛反省有咩做得唔夠，嚟緊一季希望贏得聯賽錦標，盡可能喺其他盃賽取得更好成績。」「黃董」又透露今季班費約5千萬港元，爭標之餘亦期望為香港隊出一分力：「我哋之前睇咗香港對中華台北嘅友誼賽，現時香港仲係復甦階段，但已經有好多青年才俊嶄露頭角，希望富力R&F未來有更多球員入選港隊，征戰嚟緊嘅世界盃外圍賽。」

主教練楊正光則稱組軍方針以「補強」為主：「舊年我哋睇到自己嘅弱點，特別係被反擊時速度、力量都不足，所以今季特登喺歐洲搵咗華迪斯艾瑪臣、艾達瑪古拿返嚟，佢哋無論腳法、力量、身體對抗性都係球隊需要嘅。」「光Sir」續說：「伊高沙托尼、林柱機同呢兩位外援都係增強球隊實力嘅人選，今季我信心都大，希望真係可以攞到冠軍。」他亦指組軍已「八八九九」，惟板櫈深度仍有不足，或會再引入本地球員，另亞援名額會用作註冊周煜辰，國援則需視乎陳梓榮能否以本地球員註冊，球隊將於8月6日前往葡萄牙集訓。

外號「小志強」的方栢倫大讚廣州基地配套好。

伊高沙托尼（左）、林柱機（右）

盼港超市場唔局限喺香港

談到富力R&F將來能否參與亞洲賽，總經理郭能培（Tyler）透露要與亞洲足協洽談，球隊需要證明自己的獨立性，不過最終由亞洲足協決定。郭能培同時以薩爾斯堡紅牛與RB萊比錫作例子，並強調由於中超球會的中性名稱（非商業名稱）規定將於明年啟動，因此廣州富力不能再冠名為「富力」，這個轉變對此事有所幫助。

「Tyler」亦透露，中國足協正嘗試推廣組織省制級賽事，球會認為港超聯是個很好的例子，加上標準流浪希望在內地尋找主場，因此富力希望港超將來的市場不再局限於香港，並將其擴大至一個粵語或廣東區域的聯賽，特別是廣東省有超過1億人口，期望組織一個更高水平的足球聯賽。

榮譽唔係壓力伊高要贏多季

昨日有份出席記招的富力R&F新兵伊高沙托尼和林柱機，齊聲表示期望新季能協助球隊奪冠，挾「四料足球先生」之名加盟的伊高聲言，榮譽不會為他帶來壓力。

上季助和富大埔首度稱霸港超的伊高沙托尼說：「依家係新球會、新球季、新挑戰，只會諗點樣去表現自己。我係為勝利而嚟，希望上季嘅好表現可以延續到今季，幫球隊攞冠軍！」他續說：「目前所有嘢都好好，好多人都幫我，加上認識富力嘅巴西球員，所以適應得唔錯！」

至於從傑志來投的林柱機則稱：「我覺得轉會係一個好轉變，因為球隊今季好有野心，自己都希望挑戰所有錦標，所以選擇加盟。」來到新球會，他認為球隊利益比個人目標更重要：「希望有多啲上陣機會，有得踢就希望入到波，期望幫球會贏得所有錦標，令全隊上下開心！」

何彥霆廣州直擊