雖然夏天出街會熱到成身汗，周身唔舒服，但係相信男士們都希望夏日可以長一些，因為可以去海灘欣賞換上火辣比堅尼嘅夏之女，而小島瑠璃子最近就拍攝咗一輯水着寫真，提醒大家夏日已經來臨喇！
日本藝能界同香港演藝界有好多不同之處，其中一個就係日本女藝人就算唔係拍寫真出身，亦會間中拍吓泳照大騷身材，所以日本男士真係有眼福。提到日本女藝人，近年活躍度相當高嘅小島瑠璃子就由藝能圈跳出嚟拍寫真，為大家送上養眼身材！
小島瑠璃子青春可人，而且笑容甜美，由於清麗面孔同前AKB48成員山本彩有幾分相似，因而有唔少人以為佢係AKB48成員。老實講，瑠璃子才藝出眾，就算係擔任團隊隊長亦夠資格，如果計埋身材更係令AKB48班妹妹仔投晒降，因為瑠璃子嘅胴體除咗健美結實，上圍仲有一對純天然D奶，分量十足且堅挺又充滿彈性，簡直係極品。
雖然瑠璃子今年只係25歲，但係原來佢已經出道10年，2009年參加由藝能事務所舉辦嘅第34屆藝人拔選比賽，成功從3,910人當中奪得冠軍，自此踏入藝能界，成為電視圈寵兒。而瑠璃子除咗拍劇以及做電視節目主持之外，由於形象健康又爽朗，口才亦相當了得，因而成為唔少學界運動大會嘅司儀，例如佢已經連續7屆擔任全國高等學校女子足球錦標賽嘅司儀喇。
最近為迎接夏日來臨，有雜誌邀請瑠璃子拍攝一輯充滿陽光活力嘅水着寫真，令人精神一振！之不過，卻有人批評瑠璃子身材欠佳，仲叫佢唔好着泳衣添！面對如此惡意批評，瑠璃子回應得相當得體，表示對於女仔嘅身形相信各有喜愛，只要係出於天然就最有美感，有人唔鍾意佢嘅身形都冇辦法。計我話瑠璃子嘅身材婀娜多姿，只係對方唔識欣賞至真呀！
簡介：小島瑠璃子近期密密拍攝泳裝寫真迎接夏日，而佢亦將拍攝花絮上載到社交網同大家分享，千祈唔好錯過喇！
網址：https://twitter.com/ruriko_kojima/
年齡：25歲
身高：5呎2吋
三圍：32D-23-33
撰文：賢