16新兵！東方龍獅大變身 李志堅要踢到亞協盃
新一季無論管理層或職球員陣容均有大幅改動的東方龍獅，昨日假賽馬會香港足球總會足球訓練中心正式開操。新季東方龍獅會由上季「最佳教練」李志堅，出任球隊總監兼主教練，同時共有16名新球員加盟，包括上季效力和富大埔的李家豪、梁冠聰、曾文輝、李嘉耀、艾華度、翟廷峯、鍾偉強、利馬及馮慶燁。
除一班合作多年的「綠戰士」外，「堅Sir」新一季在東方龍獅的拍檔還包括助教李恆滙和羅志焜、技術總監安祖史杜錫、守門員教練保查、訓練員李敖男及技術分析員般奴等，副會長郭澤偉將兼任球會主席；至於前總監梁守志已卸任。
「資源係執教以來最好」
「堅Sir」坦言帶領班霸球會是大挑戰，同時會善用球會所提供的資源，盡力爭取佳績︰「東方係香港嘅一間老牌球會，自己細個時已經識得東方，好希望可以幫佢哋做多啲嘢，去證明番我哋係一支強隊。球會所提供嘅支援，係我執教過咁多間球會之中最好，終於感到受尊重。能夠有咁嘅支援，要好好珍惜。」
東方龍獅目前大軍名共有30名球員，「堅Sir」表示或將部分球員外借予友會，但強調球員在借出後所獲的上陣時間，是首要考慮條件︰「係要時間慢慢去配合現有人腳，去用現有嘅材料去發揮得最好。我哋嚟緊嘅季前集訓，希望可以去搵到現有球員加埋一齊嘅特質，睇吓點樣盡量去用到一啲球員。依家有好多球員都係1至2年合約，希望佢哋有多啲機會落場，我哋今季冇亞協盃打，所以覺得要畀球員多啲機會去踢，開季大約有24至25名球員係最理想，但當然都要有球會有興趣同啱用，而球員自己又想外借出去，我哋借出去嘅球員唔係覺得佢哋唔夠好，只係想佢哋有多啲機會。」
談到新季目標，「堅Sir」強調希望奪得亞協盃參賽資格︰「當然想贏盡錦標，但始終都要知己知彼，首先成績要好過之前，同埋真係好想攞番亞協資格。踢亞協盃可以令外國球隊見到香港足球嘅水平，係一個好好嘅平台。既然依家球隊有咁嘅支援，咁應該望遠啲，我覺得呢個係最大目標。」
新季改以將軍澳做主場
東方龍獅新一季將會以將軍澳運動場作主場，球隊暫定下月12日前往泰國進行季前集訓，並正在安排跟2至3支泰超球隊「拍跳」。東方龍獅體育會副主席游永強透露，新季班費跟去季相近，約3,500萬港元。就球隊管理層及教練團「大變身」，他認為需要一些衝擊去面對新挑戰︰「如果我哋沉醉於之前『雙料冠軍』嘅成績，只會停滯不前，所以要有啲大改變帶嚟新景象。」
陳浩瑋向王睿下戰書
新季加盟東方龍獅的中華台北前鋒陳浩瑋昨日亦有亮相，他透露自己選擇再次外闖全因：「東方龍獅是一個大俱樂部，李教練（主教練李志堅）也很有誠意的希望我來到這裏為球隊創造佳績。香港離台灣很近，所以也希望在港超挑戰一下。」
讚香港球隊較有計劃
首次征戰港超聯的「浩瑋」認為，香港球隊的訓練較台灣有計劃，期望自己能一直保持身體健康並協助球隊取得勝利。問及個人目標時，他笑說：「大家一起努力！」新季將與中華台北代表隊隊友王睿在戰場上交手，「浩瑋」明言：「他不要鬆懈，我也不會鬆懈，為球隊拿出自己的能力！」
龍門教練保查為情回歸港超
東方龍獅開操，除中堅艾華度外，一眾職球員均悉數亮相，當中守門員教練一職出現熟悉的面孔，他就是前冠忠南區守門員教練保查（Alvarez Buedo Borja）。
保查自離開冠忠南區後，已有一季半沒有在本地球壇出現，如今選擇重遊故地，全因一個「情」字：「我之前喺香港住咗3年，覺得香港係另一個家，一直都想返嚟，所以當東方龍獅邀請我嗰一刻，就即刻應承。」保查過去在冠忠南區時曾協助門將謝德謙創造884分鐘不失球紀錄，問及對陣中3名門將有何期望，他只要求一件事：「我唔會畀壓力佢哋，只希望佢練波練得開心，咁樣好表現自然會嚟。」
東方門將葉鴻輝則表示：「今季換咗龍門教練，自己要重新適應，亦要盡快磨合。首課練完後大家合作得唔錯，雖然自己踢咗咁多年波，都要接受新事物令自己進步。」今季球隊引入了去季和富大埔正選門將曾文輝，連同留隊的廖富源，「阿輝」認為是個良性競爭。
圖/文：陳焌鏗、何彥霆