多蒙特利物浦傳奇大球場獻技 列度︰踢成5:5最好

去年夏天，多蒙特傳奇隊坐鎮主場鬥利物浦傳奇隊，結果主隊以3比2勝出。當時有份上陣的紅軍名將史米沙，對此似乎「耿耿於懷」，笑道︰「上次我哋喺多蒙特主場落敗，唔少球員都帶着『憤怒』來港，哈哈！不過今次我哋陣容更年輕，踢呢類賽事後生啲會有着數，睇住嚟啦！」

史米沙笑稱要「報仇」

和去年交手相比，今次利物浦來港陣容缺少了魯殊，但仍有科拿、麥馬拿文、軒索斯、荷西安歷基等坐鎮，加上「3字頭」的丹尼爾艾格，相信能一如史米沙所言︰「最緊要球迷睇得開心、過癮！」

另一邊廂，多蒙特傳奇隊對今仗高度重視，昨日部分球員如列度、真高拿、李榮杓、柏迪歷、艾禾頓等於將軍澳運動場作簡單操練，其中真高拿更「手足並用」，戴上手套把關練撲波。對於今日的「牙骹戰」，列度笑稱紅軍有地利︰「香港雖有不少多蒙特球迷，但利物浦嘅擁躉數目更多、氣勢更強勁，所以肯定係場硬仗！」

真高拿	科拿	史米沙

不過，在勝負以外，列度希望賽果能滿足球迷︰「雖然我哋想贏，但更重要係為觀眾帶嚟快樂，希望入多幾球，以4比4、5比5完場仲好！」有「頭槌王」之稱的列度，當被問到萬一遇上頂上功夫同樣了得的丹尼爾艾格會怎應付？列度即時大笑道︰「盡力跳高啲啦！」

兩軍陣容

利物浦

科拿(球員兼領隊)

韋斯達維特、比斯根、軒索斯、巴比、格連莊臣、麥馬拿文、凡美、古積特、麥卡迪亞、丹尼爾艾格、荷西安歷基、戴奧、貝加、史米沙、路爾斯加西亞

多蒙特

迪基爾(領隊)、軒列治(球員兼領隊)

維丹費拿、奧禾莫耶拉、汀加、史迪域、伊雲尼遜、祖利奧施薩、奇連治、列度、保羅林拔、柏迪歷、艾禾頓、李榮杓、穆罕默德施丹、真高拿

陳焌鏗報道