家陣嘅明星已經唔單止係指演員同歌手，仲可以係活躍於互聯網嘅網絡紅人；而最近有一位來自日本寫真界嘅姊系迷人女優見到有咁多網紅出現，亦決定挺起對爆乳進軍網絡界，佢就係手島優喇！
近年湧現嘅網紅愈來愈多，咁多人想做網紅，原因梗係想成名啦，而有名自然有利，相信大家都好明白呢一點。喺日本寫真界眾多女優之中，亦有一位原本係網絡紅人，佢就係憑住童顏爆乳異軍突起嘅RaMu喇，而今日同大家見面嘅手島優起步遲咗少少，最近才向網絡界發動攻勢。
手島優今年36歲，但係妖艷迷人，一派姊系氣息非常親切，且不失甜美，出道以來唔單止靠個樣搵食，其身材婀娜而激凸，擁有一對堅挺又巨型嘅I Cup爆乳，為觀眾帶來極大視覺震撼。
手島優喺2001年出道拍寫真，數數手指至今已經有18年咁耐！喺呢18年來，佢一直工作未有休息過，保持相當高嘅活躍程度，難得嘅係佢忙於工作，亦不忘增值自己，不但學習書法，亦成功考取營養師資格。多年來，手島優除咗拍水着寫真，演出過嘅電視劇及電影亦都唔少，同時亦係綜藝節目嘅常客。
儘管手島優成功入屋，但係佢又唔會好似其他寫真妹咁，做咗演員就封胸唔再賣弄性感，而最近佢覺得日本進入令和時代，自己亦應該有新突破，所以決定以「NYOUTUBER」之名加入網紅行列，同時推出新歌《ハミ乳パパラッチ》，當中「ハミ乳」有漏奶嘅意思，而優妹亦喺MV中騷胸演出，將爆乳以及充沛嘅活力表現騷畀大家睇。
簡介：近期手島優忙於宣傳新歌，每次出席宣傳活動佢都會性感登場，大家從其社交網中就可以睇到箇中花絮，以及優妹嘅性感造型，唔好錯過喇！
網址：https://twitter.com/piyoteji
年齡：36歲
身高：5呎5吋
三圍：37I-24-34
撰文：賢