傑志鋼門信心來源！！ 鵬哥背後嘅男人羅拔圖
傑志龍門教練羅拔圖4年半前加入球隊，帶來了全新訓練方式，大大提升隊內門將水平。究竟這位西班牙教練有甚麼良方，建構「藍鳥」最後一道防線，今次《港超專版》將為讀者一一拆解。
踢過拉科同馬卡爾練波
羅拔圖出身自拉科魯尼亞青年軍，曾效力該隊B隊。他意氣風發地說出職業生涯的「威水史」：「嗰陣『拉科』仲係西甲強隊，我同過莫路施華、馬卡爾等頂級球員練波，佢哋仲試過喺歐聯擊敗曼聯添！」不得不提的是，他的哥哥亦是一名世界享負盛名的龍門教練，曾任職富咸、比錫達斯等歐洲球會，現任西班牙足總龍門教練執照總監。
羅拔圖雖曾跟隨一隊操練，但上陣機會不多，迫使他必須尋找第二條道路，在24歲那年斷然高掛球靴，執起教鞭。2014年冬天，時任傑志主帥摩連拿領軍戰畢亞協盃4強後，透過羅拔圖兄長邀請他擔任傑志龍門教練，他二話不說便答應來港，自此與王振鵬結下不解之緣。
初來甫到，當年不諳英語的羅拔圖憂慮難與球員溝通：「嗰陣我同『阿鵬』都係一粒英文字都唔識，嗰吓心諗弊嘞！但你知道，足球就係語言，好快我就同佢建立默契。」羅拔圖與王振鵬一拍即合，漸漸超越師生關係成為朋友。「第一眼見佢就知同佢合作會好愉快，我同佢就好似朋友，唔需要講太多，淨係睇表情就知佢諗咩。龍門教練唔同主帥，我淨係管理3至4位門將，所以要識得同佢哋做朋友，建立良好溝通關係。」
昔日王振鵬時好時壞的表現時常為人詬病，但自從這名西班牙教練來臨，帶入全新的訓練方式，使「鵬哥」表現漸趨穩定，更成為去屆港超最佳門將，這某程度上是教練的功勞。不過，「Roberto」謙稱，自己只是建立起王振鵬的信心，成功關鍵在於他的個人努力：「佢由始至終都係一個好優質嘅龍門，以前做得唔好只係因為佢冇相信自己，我嚟到唯一要做嘅就係以訓練幫佢重拾自信，都要佢肯付出100%去練習，先能夠成就今日嘅佢。」
讚阿鵬唔「膠」有力踢中超
除了他的勤奮，羅拔圖特別欣賞「阿鵬」的特點：「佢唔似其他龍門咁可能只有一部分做得好，佢最大優點係全面。高波、接傳中、位置感等能力都好出色，我最鍾意呢種『百般武藝在一身』嘅龍門，佢甚至絕對夠班喺中超立足。」即使王振鵬這幾年來表現卓越，但「膠鵬」的印象在部分球迷心目中仍然揮之不去，羅拔圖堅定的為他辯解：「我嚟咗近5年，印象中佢只有2次嚴重失誤，一次係亞協對大埔，另一次係2年前對河內。5年間只係2次明顯失誤，而其他比賽表現穩定，已足以證明佢係一位優秀龍門。」
300戰前有進步 王振鵬：恩師有99%功勞
只要王振鵬多上陣2場，便達到他為傑志披甲300場的里程碑。「鵬哥」踏入300大關前，借專訪答謝羅拔圖這4年半來的指導：「佢嚟之後針對我嘅不足之處改善，用佢創新嘅方式操番起我，將我本來有嘅能力放大。呢幾年我嘅進步有99%都係佢嘅功勞，佢係一個對我足球事業好重要嘅人。」羅拔圖與王振鵬，以亦師亦友的關係來建構傑志牢固的「十指關」，絕對是「藍鳥」近年在港超賽場，得以稱王稱霸的關鍵因素。
圖/文：骰仔