HK7小花挑戰高手冇有怕
「盈豐香港女子高爾夫球公開賽」將於本周五至日（10至12日）在粉嶺香港哥爾夫球會舊場舉行，屆時將有123位來自世界各地的球手蒞臨參賽。7名香港「初生之犢」試圖挑戰強手，力爭在主場打出好成績！
賽事今年第5度在香港舉行，各路球手不惜越洋競逐，包括中國的隋響和劉文博。香港今年派出12位球手參賽，包括「一姐」陳芷澄和重披港隊戰袍的何雁詩，以及其餘10名新進女將。即使昨日大雨綿綿，7位年輕女將包括何妙兒、張穎怡、李佳潁、陳婥兒、李沅玥、胡雅媛及丁慧中，特別走出球場作最後熱身。
15歲陳婥兒想打職業
年僅15歲的陳婥兒（Chloe）對於能夠代表香港出戰感到興奮：「比賽畀到機會我哋同職業球手切磋，佢哋打波經驗多好多，我可以學習到面對困難同壓力時點處理。」陣中年紀最輕的她今年已是第4次參賽，並將目標放在頭20名：「呢次比賽我好有信心，希望好好發揮，打得好將來仲幫到我去美國打職業。」
另一球手胡雅媛（Tiffany）透露，主場出擊是香港球手優勢：「我哋成日喺度練波，知道邊啲位應該打，邊啲位唔應該打。」Tiffany今年首年參賽，她希望向前輩學習：「咁多勁人，又有『Tiffany Chan』（陳芷澄），係個好好嘅機會了解人哋打成點。」
圖/文：黃雋謙