傑志搶榜首撲擊佳聯元朗
「中銀人壽香港超級聯賽」今午假旺角大球場上演獨腳戲，爭標分子之一的傑志迎來佳聯元朗。「藍鳥」現時僅與榜首差距兩分，今仗只要贏波便能暫居榜首，戰意毋須懷疑；有主教練郭嘉諾及多名主力球員缺席的「橙衫軍」，助教楊獻輝期望球員踢出拚搏精神，不會因強敵而輕言退縮！
朱志光：勿輕視對手
傑志上輪聯賽大戰險勝富力R&F，現落後榜首和富大埔兩分。主教練朱志光提醒球員，雖然佳聯元朗今午有多名主力缺陣，仍不可掉以輕心︰「嚟緊聯賽仲有幾場波，希望球員搏落去。喺我立場就唔多理對手點樣，只會因應自己有冇傷兵，球隊有啲球員剛剛好番，可能都要畀機會佢哋落場。足球比賽變化好大，冇容易嘅比賽。」傑志一對中堅艾里奧及列斯奧經已傷愈復操，前鋒泰迪則尚未確實是否觸及舊傷，今仗上陣成疑，而林恩許目前仍在養傷。
暫列第7位的佳聯元朗今仗陣容不整，除王睿及李靄軒分別代表中華台北和香港Ｕ22代表隊外，慕沙、杜馬斯及基斯同樣累積5黃停賽，而門將陳嘉豪亦因借用條例無法把關，主教練郭嘉諾則仍在內地修讀教練牌照課程，今仗無法親自領軍。
面對強敵 橙衫軍不退縮
「橙衫軍」助教楊獻輝表示，教練團一直與「郭Sir」保持聯絡，因此部署問題不大，同時認為上仗賽和理文一役表現不俗，寄望在部分主力缺陣下，仍能保持鬥志力抗強敵︰「其實我哋上場每一個球員都好想贏，好盡力去踢，呢一點教練團好認同，亦肯定球員落場嘅決心，臨尾失番球係歸咎於唔集中，先至會畀對手逼和。今場就算我哋有幾個主力停賽，都會踢番我哋元朗一貫嘅作風，唔會因為懼怕傑志有質素嘅球員而退縮。」
何彥霆報道