受制嚴寒港U22首戰和新加坡
香港U22代表隊昨日在「亞洲足協23歲以下錦標賽外圍賽」東亞區G組分組賽，於蒙古烏蘭巴托MFF足球中心鬥新加坡踢成1比1。下半場51分鐘替港隊取得入球的後防主將徐宏傑賽後表示，球隊在嚴寒下作賽，表現未如理想，特別是上半場未能做出具威脅的埋門。但慶幸一班隊友非常投入作賽，下半場發揮明顯好轉，只是領先不到2分鐘便被對手追和，有點可惜，寄望餘下兩仗能爭取勝利。
港隊是役面對新加坡，上半場並未有太多攻勢，到易邊後演出才告好轉，接連找到埋門機會，奈何僅得1次能轉化成入球，最終僅能賽和對手，失分收場。「真係好可惜，下半場我哋好番好多，最唔抵係入完波無耐就失番波。不過無辦法，真係好凍，頭一日嚟到，我哋仲講笑話凍到咁點踢波呀！有信心嚟緊兩場會踢得好啲，希望大家支持我哋。」「阿傑」謂。
徐宏傑：嚟緊兩場要贏晒
至於餘下兩場目標，「阿傑」直言要「贏晒」：「如果攞唔到首名，靠『次名』就會好被動，所以淨低兩場都一定會搏盡！」「亞洲足協23歲以下錦標賽外圍賽」賽制除每組首名（共11組）直接出線泰國決賽周外，4支最佳次名都可獲決賽周入場券（如K組的泰國取得小組首名，或成為4隊最佳次名其中一隊，則第5支最佳次名都可晉級）。港隊將於周日香港時間下午5時對主隊蒙古。