「牛丸」曾因為執教東方而放棄擔任亞洲足協C級教練課程的導師，於今季重執教鞭的她認為工作雖然辛苦，但勝在意義重大︰「我覺得作為教練導師確係幾辛苦，但對我嚟講又幾有意義，好任重道遠。我會好留意自己做嘅嘢同傳遞嘅訊息有冇錯，因為如果我做錯或講錯一樣嘢，當有40個教練同我一齊錯，將來佢哋再教其他人，最終會影響香港足球數以千計踢波嘅人！」
雖然多重身份令私人時間大減，不過「牛丸」並不介意︰「到目前為止，感覺係攰嘅，但Enjoy囉！我唔係擔心攰，而係擔心咁樣分身會唔會令某啲嘢做得唔好？惟有盡自己能力去做，亦慶幸身邊有好多人幫手！」