R&F富力挑機陽光元朗
足總盃今午假元朗大球場揭開戰幔，率先上演的首圈賽事由R&F富力火併陽光元朗。R&F富力早前證實般連奴及麥高派路域離隊，而愈戰愈勇的陽光元朗，平安夜銀牌4強激戰120分鐘後以3比1擊敗傑志入決賽，士氣大振，惟球員能否及時恢復體力，相信亦是勝負關鍵之一。大家記得黐實東網on.cc睇直播喇！（東網on.cc周六下午2時30分直播）
曾一度於港超取得3連勝的R&F富力，最近4仗出戰港超聯賽及菁英盃，分別敗於傑志、香港飛馬及東方龍獅腳下。主教練馬里科月初證實般連奴及麥高派路域兩名外援經已離隊，並正在物色新球員加盟，當中包括一位曾在歐洲落班的巴西前鋒，另外球隊亦有門將周煜辰獲國足U22徵召而缺陣。
伊達：輸波唔輸信心
對於R&F富力最近均以輸波收場，中場伊達認為球隊表現並不能從比數中反映︰「球隊喺傷患同有球員離隊下，表現其實唔算差，對住飛馬同東方等強隊亦只係僅敗，菁英盃有兩位經驗較淺嘅年輕小將上陣，對傑志都只係輸0比1，因此我對球隊仍然充滿信心，期望轉會窗重開，球隊喺新兵加盟後實力更強。」
日前擊敗傑志殺入銀牌決賽的陽光元朗，隊中雖有葉子俊及陳衍光等球員復操，但主教練曾昭達坦言，陣中具比賽狀態的球員並不多，但慶幸球隊上下士氣高漲，期望球員們能夠再一次踢出鬥志︰「贏咗場波確為隊波打咗支強心針，特別係對住咁強嘅球隊都可以晉級，當然感到高興。不過上場波球員搏得好盡，有部分有疲態，希望佢哋經過調整之後，可以打場好波。」
「達Sir」：要提升把握力
陽光元朗早前於聯賽跟富力交手，最終在祖連奴領紅被逐，加上對手鋼門周煜辰連番撲救下，主場以1比2落敗，對於今仗勝負關鍵，「達Sir」希望球隊可以在埋門方面有所改善︰「其實上一次對富力戰況唔差，對方龍門確有質素，但始終足球係講求臨場把握力，希望球隊可以喺呢方面做好啲，並且小心謹慎咁做好部署。」
本周賽程
12月30日（六）
足總盃第1圈
R&F富力 Vs 陽光元朗
元朗大球場
下午2時30分
$80、$30（特惠票）
12月31日（日）
理文 Vs 夢想ＦＣ
旺角大球場
下午2時30分
$80、$30（特惠票）