臨近年尾，係時候同大家溫故知新，小弟作為一介人微言輕嘅鹹濕仔，就冇資格談甚麼國際大事，但係對於日本AV界喺過去一年發生嘅事情卻瞭如指掌，相信亦能夠引起大家嘅注意同興奮，事不宜遲，一齊回顧2017年AV界之最啦！
相信大部分AV迷除咗鍾意透過螢光幕同AV女優神交，更加希望能夠同AV女優真實交流一下，當然所謂嘅交流梗係唔單止握手同合照咁簡單，而係變身成為AV男優親身挑戰一下女優嘅床技！雖然唔少AV女優都會客串做陪酒孃，但係大家都知道陪酒係唔包有下文，只係同客人把酒談心而已，況且做得陪酒孃通常都唔係頂級女優。不過有消息爆出，要得到當今日本AV天后明日花綺羅嘅「四小時放題套餐」，畀400萬日圓就可以歎到。嘩！大拿拿約28萬港元，小弟就覺得物非所值囉！唔係話綺羅唔夠索，而係一諗到綺羅平時嘅對手，即係AV男優同綺羅砌到天昏地暗仲有人工收，但係我就要畀咁多錢先至得，會覺得自己做咗傻仔囉！
日本AV界近年冒起一對姊妹，佢哋就係人氣爆燈嘅三上悠亞同高橋聖子喇！佢哋同樣出身於藝能界，亦同樣喺AV界呼風喚雨！三上悠亞同高橋聖子喺2017年可以話大豐收，悠亞喺DMM成人大獎成功將天后明日花綺羅擊敗，奪得最優秀女優獎，至於聖子喺上年嘅AV OPEN成功締造7冠王神話之後，於DMM成人大獎勇奪最優秀新人女優獎，初下海作品《グラビア四天王たかしょーMuteki Debut 高橋しょう子》再下一城，獲得作品獎，兩姊妹認真威到盡！
正所謂天作孽尤可恕，自作孽不可活，好多人面對嘅厄運都係由自己一手造成，事實擺在眼前嘅就係前名坂口杏里嘅ANRI喇！ANRI出身於藝能界，母親係知名女星坂口良子，ANRI喺母親身故之後將所得嘅遺產敗晒喺鴨店，結果搞到要下海拍AV。雖然ANRI又哨牙又冇波，但係肯努力冇話會餓死人，後來ANRI涉嫌為咗3萬日圓恐嚇男友，搞到被警方拘捕，AV事務所即刻同佢割席！之後，ANRI轉戰到六本木做陪酒孃，由於客人十分支持，令佢銷售酒嘅成績榮登月內冠軍，佢更喺社交網吹噓一番，結果搞到老闆不滿而將佢怒炒，家陣則轉投另一間陪酒店繼續陪酒生涯。
正所謂朱門酒肉臭，路有凍死骨，喺AV界有搵到大錢嘅天后，亦一樣有生活拮据搵朝唔得晚嘅女優，其中一個就係寶生莉莉喇！26歲嘅寶生莉莉樣貌標致，身材火辣誘人，之但係一直以來大部分片酬都被吸血鬼一樣嘅事務所吸走晒，10萬日圓片酬當中，阿妹只得2萬日圓落袋，因而令生活拮据，戶口剩番唔夠9,000日圓，即係港幣700蚊都冇！後來莉莉嘅愛貓離世，大受打擊，因而令佢萌起輕生之念，喺9月初上演死亡直播，透過視頻喺觀眾面前疑似仰藥自殺！事件可以話驚震AV界，好彩莉莉及時獲救，而佢知道有咁多人支持自己，家陣心情開朗晒，並繼續女優生涯。
女人唔補好易老，咁又係呀！女仔嘅青春可以話一瞬即逝，就好似AV女優咁，好多初出道時芳華絕代，但係兩三年後就走晒樣。不過，當中亦有例外，佢就係現年38歲嘅熟女天后風間由美喇！小弟細細個就睇過由美姐嘅演出喇，估唔到20年後嘅今日依然可以睇到由美姐活躍於AV界。冇錯！由美姐出道已經20年，雖然面孔成熟，但係韻味愈來愈濃，演技同床技喺漫長日子浸淫下變得爐火純青，而胴體卻保養得皮白肉嫩，認真吸引！由美姐慶祝出道20周年，熟女AV廠Madonna為表示敬意，特別將佢簽為專屬女優，而呢份專屬合約更加係由美姐出道以來第一份，可以話老有所依。
2017年有好多女優引退都令人傷心同依依不捨，但係有一位女優嘅引退消息就令大家覺得講嚟都嘥氣，咪就係蒼井空囉！其實空姐早於2012年，亦即係佢出道10周年嘅時候，已經宣告停拍AV，只係一直保持住AV女優身份而已。而大家都知道近幾年空姐喺日本藝能界吃得開，更加經常喺內地登台又拍廣告，根本唔使再拍AV益班男優。不過，2017年1月空姐突然喺社交網上煞有介事咁宣告引退，正式脫離AV女優身份，老實講AV迷們基本上都冇再期望佢會再拍AV，引唔引退對AV迷嚟講都冇乜所謂囉！
撰文：賢