阿香隨心態變「髮」
講到髮型百變，就不得不提球隊大哥香振強，想當年「阿香」係個百分百的潮人，同樣玩過Dreadlocks、爆炸頭、粟米頭及雞冠頭︰「以前好沉迷Hip-hop，都好鍾意艾佛遜，畀佢感染咗，無論技術、衣着同打扮都會好想學佢。雖然咁做係會引起球迷注意，但我嗰陣落場打波都係會做番自己。」「阿香」現時已無再變「髮」，他指心態已隨年齡增長而改變：「以前做球員，但依家喺球場上位置唔同咗，想法都唔同晒，唔係刻意要有成熟感覺，主要係心態唔同咗。人愈大，尤其是過咗30歲，結咗婚生咗小朋友，會一步一步無咁着重外形同花款，個人變得更踏實。」