祖記奉行低買高賣原則，建立健康財政，令球會有財力保持實力，意大利近年經濟不景，米蘭雙雄莫財衰落，祖雲達斯仍屹立不倒，壟斷意甲錦標。會長安迪亞阿尼利發表公開信，強調球隊由專業團體組成，唔會因為個別士人離開而受影響，正係體現球會堅守審慎理財原則。
只要價錢好 邊個都賣得
祖雲達斯近年喺轉會市場出手精明，專執平貨，以今次兩位主角保羅普巴同維達爾為例，前者同曼聯約滿自由身來投，後者3年前轉會費僅1,000萬歐元，估計兩人現時身價合共已超過1億歐元（約10.5億港元），如果交易成功，祖雲達斯將賺取超10倍回報。